തിരുവനന്തപുരം: ഏഷ്യയിലെ ഏറ്റവും വലിയ വൈറ്റ് വാട്ടര് കയാക്കിംഗ് മത്സരവും ഇന്ത്യയിലെ ഏറ്റവും വലിയ സാഹസിക കായികമേളയുമായ മലബാര് റിവര് ഫെസ്റ്റിവലിന്റെ 12-ാമത് എഡിഷന് ജൂലൈ 30, 31, ഓഗസ്റ്റ് ഒന്ന്, രണ്ട് തീയതികളില് കോഴിക്കോട്ട് സംഘടിപ്പിക്കുമെന്നു ടൂറിസം മന്ത്രി പി.സി. വിഷ്ണുനാഥ് അറിയിച്ചു.
ലോകത്തിന്റെ വിവിധ ഭാഗങ്ങളില് നിന്നുള്ള വൈറ്റ് വാട്ടര് കയാക്കിംഗ് താരങ്ങള് പങ്കെടുക്കുന്ന ദക്ഷിണേന്ത്യയിലെ ഏക അന്തര്ദേശീയ വൈറ്റ് വാട്ടര് കയാക്കിംഗ് ചാമ്പ്യന്ഷിപ്പാണിത്.
കേരള ടൂറിസം വകുപ്പിന്റെ ആഭിമുഖ്യത്തില് കേരള അഡ്വഞ്ചര് ടൂറിസം പ്രൊമോഷന് സൊസൈറ്റി, ജില്ലാ ടൂറിസം പ്രമോഷന് കൗണ്സില്, ത്രിതല പഞ്ചായത്തുകള് എന്നിവയുടെ സഹകരണത്തോടെയാണ് മേള സംഘടിപ്പിക്കുന്നത്. ഇന്ത്യന് കയാക്കിംഗ് ആന്ഡ് കനോയിംഗ് അസോസിയേഷന്റെ സാങ്കേതിക സഹകരണവും ലഭ്യമാകും.
Deepika
E-paper LOGIN
LOGIN
